Emisioni “A1 Sport” drejtuar nga Maksim Tashi, transmetohet në A1 televizion çdo të shtunë në orën 21:00 dhe ritransmetimi është ditën e dielë në orën 12:30.
Emisioni i kushtohet tërësisht kampionatit kombëtar të futbollit si edhe sporteve të tjera që zhvillohen në Shqipëri. Gjithashtu ky emision do të përmbajë dhe një modul i cili do të paraqesë lajmet dhe informacionet sportive nga kampionatet botërore. Ky emision sjell për teleshikuesit pamje filmike të ndeshjeve që zhvillohen në stadiumet e qyteteve tona, pamje nga golat, intervista me trajnerë e lojtarë, opinione të sportdashësve, si dhe komente nga të ftuarit në studion e A1 tv. Në studio çdo të shtunë janë të ftuar analistë sportivë dhe futbollistë si dhe lojtarë të sporteve të tjera. Emisioni do të përfundojë me mbylljen e kampionatit kombëtar të futbollit në pranverë të vitit 2008.