TV. A1
TELEVIZIONI PER NJEREZIT AKTIVE

Televizioni A1 është televizioni më i ri Shqiptar. I menduar si “Televizioni i Njerëzve Aktivë”, A1 ka në fokusin e tij dhënien e informacionit sa më të shpejtë dhe cilësor të mundshëm, dhe ndryshe nga televizionet e tjera edhe pasqyrimin e hollësishëm të zhvillimeve ekonomike dhe teknologjike më të fundit në vend dhe në botë.

A1 i apelon një audience urbane, profesioniste dhe te mirëinformuar.

Ajo që iu ofron ekrani i këtij televizioni, është gjithçka që i nevojitet një njeriu aktiv, që punon dhe që gjithashtu dëshiron të jetë në dijeni se çfarë ndodh para dhe pas skenave në Shqipëri dhe botë.

Nga ora 6:00 deri në 18:00, televizioni A1 i përmbahet formatit “Office” ku transmetimet normale rrethohen nga shtresa të ndryshme informacioni të shkruar, të rifreskuar ndarë sipas “Kronikë”, “Ekonomi”, “Infotreg”, “Utilitete” etj...

Edhe programet e transmetuara gjatë formatit “Office” janë të dizenjuara për një target profesionisti, aktiv dhe urban – informacione të shpejta në pilula, lajme të fundit – me përdorim maksimal të mbulimit Live, analiza të gjendjes ekonomike, emisione biznesi, dokumentarë historikë.

Pas orës 18:00, A1 ka një format tradicional, me lajme , emisione informative, emisione argëtuese dhe filma artistikë. Argëtimi në A1 do të përfshijë më të mirën nga bota. Televizioni A1 është i distancuar nga moda e telenovelave. Shikuesve të A1 ju përcillen prodhime televizive të sukseshme në botë me target të njëjtë me konsumatorin urban të informacionit, me prirje ekonomike të formatit “Office”.

Por, e veçanta dhe fokusi i A1 televizion, është lajmi i fundit. Një rrjet gjigand reporterësh dhe përdorimi i teknologjive të fundit mundëson dhe synon të paraqesë lajmet dhe informacionin e fundit brenda pak minutash. A1 televizion kërkon edhe një përfshirje sa më të madhe të publikut në lajm, duke i dhënë mundësi çdo qytetari të kthehet në një reporter dhe të dërgojë informacionet për çdo lloj ngjarje.

Website i A1 televizion është gjithashtu një projekt ambicioz. I bazuar në redaksinë e A1 Televizion, stafi i gazetarëve online kanë si mision të përcjellin çdo lajm, kronikë ose analizë që vjen në redaksi, direkt në faqen e web, me qëllimin që www.a1tv.al, të pasqyrojë në çdo çast, 24 orë në ditë, informacionin më të ri nga Shqipëria, edhe para se të jetë transmetuar në cilindo televizion.

Të gjitha këto mund të shikohen edhe live në faqen e internetit të A1 tv duke ju ofruar bashkëatdhetarëve tanë jashtë Shqipërisë, një mundesi mjaft të mirë për të ndjekur dhe qenë të inetgruar me të rejat më të fundit nga politika, kronika, zhvillimet sociale, ekonomia dhe për gjithçka që ndodh në Shqipëri. A1 tv tashmë i pranishem edhe në platformën dixhitale digitalb satelitor dhe tokësor.